АНУ ердөө нэг долоо хоногийн дотор Ираны 3000 гаруй байг устгасан. Дайны хурцадмал байдал нэмэгдэж буй энэ үед Дональд Трамп хуурай замын цэрэг оруулах асуудлыг нухацтай авч үзэж байгаа тухай мэдээлжээ.
Вашингтоны агаарын цохилтын кампанит ажил Ираны цэргийн баазууд, хөлөг онгоцууд болон пуужингийн хөөргөх системүүдийг онилон устгаж, Тегераны дэглэмд үзүүлэх дарамтаа эрчимжүүлж байгаа аж.
United States Central Command (CENTCOM) мэдэгдсэнээр, “Epic Fury” ажиллагааны эхний долоо хоногт 3000 гаруй байгустгасан байна. Түүнчлэн энэ хүчтэй довтолгооны улмаас Ираны 43 хөлөг онгоц гэмтэж, устсан талаар CENTCOM мэдээлжээ.
Энэ бүхэнтэй зэрэгцэн Трамп Иранд АНУ-ын хуурай замын цэргүүдийг оруулах боломжийг нухацтай судалж байгаа тухай мэдээлэл гарч байна. Мөн дуунаас хурдан стратегийн бөмбөгдөгч онгоцууд Их Британийн цэргийн баазуудад ирж, цааш Ираны эсрэг довтолгоонд оролцохоор бэлтгэж байгаа аж.
АНУ-ын B‑2 Spirit stealth bomber онгоцуудын флот Их Британийн RAF Fairford (Глостершир) баазад хүрэх төлөвтэй. Эдгээр онгоцуудыг өмнө нь Ираны цөмийн чадавхийг “бүрэн устгасан” гэж тодорхойлогдсон Operation Midnight Hammer ажиллагаанд ашиглаж байжээ.
Мөн B‑1B Lancer bomber бөмбөгдөгч онгоцууд хэдийнэ Их Британид газардсан зургууд бий ч B-2 онгоцууд баасан гаргийн орой хүртэл харагдаагүй байна.
АНУ Иранд хуурай замын цэрэг байрлуулах тухай таамгийг томоохон цэргийн сургуулилалтыг гэнэт цуцалснаар улам нэмэгдүүлжээ.
82nd Airborne Division (Хойд Каролина мужийн Fort Bragg баазад байрладаг) нь шүхрийн довтолгоонд мэргэшсэн 4000-5000 орчим цэрэгтэй нэгж аж.
Сургуулилалт гэнэт цуцлагдсаны дараа нэгэн ахлах албан тушаалтан The Washington Post сонинд “Бид бүгдээрээ болзошгүй нөхцөлд ямар нэг зүйлд бэлтгэж байна” гэж хэлжээ.
Үүнээс гадна эх сурвалжууд NBC News-т “Трамп АНУ-ын цэргийг Иран руу илгээх сонирхлоо хувиараа илэрхийлсэн” гэж хэлжээ.
Трамп мөн Ираныг “болзолгүй бууж өгөхийг” шаардсан бөгөөд Их Британи ч мөн тус улсын эсрэг шууд цохилт өгөх боломжийн талаар хэлэлцэж байгаа аж.
Тэрбээр өөрийн сошиал платформ болох Truth Social-даа “Ирантай хийх хэлэлцээр бол зөвхөн болзолгүй бууж өгөх явдал!” гэж бичжээ.
Мөн Трамп “АНУ Ираныг сүйрлийн ирмэгээс буцаан авчирч, эдийн засгийг нь урьд өмнөхөөс илүү том, хүчирхэг болгохын төлөө уйгагүй ажиллана” гэж мэдэгдсэн байна.
Ираны Ерөнхийлөгч Masoud Pezeshkian бууж өгөх шаардлагыг няцааж, “Энэ бол тэдний булшинд ортолоо тээж явах мөрөөдөл” хэмээн мэдэгджээ.
Телевизээр хийсэн мэдэгдэлдээ Пезешкиан “Иран хөрш орнуудад хийсэн сүүлийн үеийн цохилтуудын төлөө уучлал хүсэж, энэ нь харилцааны алдаанаас болсон” гэж тайлбарласан байна.
Тэрбээр мөн “Ираны зэвсэгт хүчинд хөрш улсууд эхэлж довтлохгүй бол тэдэнд халдахгүй байх тушаал өгсөн” гэж хэлжээ.
Үүний зэрэгцээ Их Британи Иранд анх удаа шууд цохилт өгөх боломжийг судалж байгаа бөгөөд RAF-ын сөнөөгч онгоцууд Трампын өргөжиж буй агаарын довтолгоонд нэгдэхэд бэлэн байгаа аж.
Их Британийн Гадаад хэргийн сайд Дэвид Лэмми “Ираны пуужингийн баазууд Британи болон түүний холбоотнуудыг заналхийлвэл RAF-ын онгоцууд цохилт өгөх боломжтой” гэж мэдэгджээ.
Хурцдаж буй энэ мөргөлдөөний үеэр Израиль мөн Ираны нутаг дэвсгэрт шинэ давлагааны цохилтуудыг нэг шөнийн дотор хийсэн байна.
Тегераны хамгийн ачаалалтай нисэх буудал болох Mehrabad International Airport орчимд хүчтэй дэлбэрэлтүүд болж, гэрчүүд олон онгоц шатаж байсан талаар мэдээлжээ.
Израилийн мэдээлснээр, 80 гаруй сөнөөгч онгоц Тегеран болон Ираны төв хэсгийн цэргийн байгууламж, пуужингийн хөөргөх системүүд зэрэг байг онилон довтолсон байна.
Мөн Израилийн Батлан хамгаалах хүчин Бейрут хотын зарим хэсэгт цохилт өгсний дараа Иран Израилийн чиглэлд пуужингийн цохилтын шинэ давлагаа явуулжээ.
Үүнээс гадна Дубай олон улсын нисэх буудал орчимд пуужин саатуулсны дараа дэлбэрэлтүүд болсон тухай мэдээлсэн байна.
Мөн Саудын Арба улс бямба гаргийн өглөө Shaybah oil field газрын тосны ордыг онилсон дөрвөн дроныг замаас нь устгасан гэж мэдэгджээ.
Эх сурвалж: THE SUN
