JP Morgan-ийн зах зээлийн тайланд дурдсанаар, АНУ-ын Ерөнхийлөгч Доналд Трамп Иранд хийж буй цэргийн ажиллагааг хэзээ, хэр хурдан дуусгах шийдвэр гаргахад гурван гол хүчин зүйл нөлөөлнө гэж үзэж байна. Үүнийг “Зэвсэг, Зах зээл, Сонгууль” гэж нэрлэжээ.
Derek Chollet, JPMorganChase-ийн Геополитикийн төвийн захирал, удирдах захирал хэлэхдээ, цэргийн ажиллагааны эрчим ойролцоогоор нэг долоо хоногийн дараа буурч магадгүй.
Цагаан ордноос гарч буй, өөрчлөгдөж буй мэдэгдлүүд нь ялалт байгуулсан мэт харагдуулж, цэргийн ажиллагаанаас аажмаар татгалзах тактик байж болох юм.
Гэсэн хэдий ч Трамп Ираны эсрэг дайн эхлүүлэхдээ зарим ахлах зөвлөхүүдээс “Энэ нь арваннэгдүгээр сард болох Конгрессын завсрын сонгуульд улс төрийн эрсдэл дагуулж болзошгүй” гэсэн хувийн анхааруулга авч байсан аж.
Цагаан ордны зарим албан тушаалтнуудын санаа зовж буйгаар, энэ гадаад бодлогын шийдвэр нь Бүгд Найрамдах нам Конгресс дахь хяналтаа хадгалж үлдэх боломжийг сулруулж магадгүй аж. Ялангуяа олон сонгогчид дайнаас илүү амьжиргааны өртөг нэмэгдсэн асуудалд илүү анхаарч байгаа үед.
Абу Дабигийн олон улсын нисэх буудлын ойролцоо дэлбэрэлт сонсогдов
Гэрчийн мэдээлснээр Zayed International Airport орчимд дараалан хэд хэдэн дэлбэрэлт сонсогджээ. АНЭУ-ын Батлан хамгаалахын сайдын мэдэгдсэнээх хотын хэд хэдэн хэсэгт сонсогдсон дуу чимээ нь агаарын хамгаалалтын систем баллистик пуужингуудыг устгаж байгаа, мөн сөөнгөт онгоцууд дрон болон тэнүүчлэгч сумуудыг (loitering munitions) сөнөөж байгаатай холбоотой аж.
Персийн буланд танкерууд халдлагад өртөв
Пүрэв гарагт газрын тосны дор хаяж хоёр танкер халдлагад өртсөн байна. Багамын далбаатай нэг танкер Иракийн Хор аль-Зубайр боомтын ойролцоо зогсож байхдаа тэсрэх бодисоор цэнэглэсэн Ираны алсын удирдлагатай завины халдлагад өртсөн гэж боомтын эх сурвалжууд мэдээлжээ.
Кувейтийн эргийн ойролцоо зогсож байсан өөр нэг танкер их хэмжээний дэлбэрэлтийн дараа ус авч, нефть асгарч эхэлсэн байна.
Далайн тээвэрт ноцтой саад үүсэв
Бямба гарагт АНУ, Израиль, Ираны хооронд мөргөлдөөн эхэлснээс хойш нийт 9 усан онгоц халдлагад өртжээ. Reuters-ийн тооцоогоор ойролцоогоор 200 усан онгоц (нефть, LNG танкер болон ачааны хөлөг) Персийн булангийн гол үйлдвэрлэгч орнуудын эрэг орчимд зогсон хүлээж байгаа аж.
Мөн олон зуун усан онгоц Strait of Hormuz-ын гадна талд зогсож, боомтууд руу нэвтэрч чадахгүй байгаа юм байна. Энэ хоолойгоор дэлхийн нефть болон шингэрүүлсэн хийн нийлүүлэлтийн ойролцоогоор 20 хувь дамжин өнгөрдөг тул дэлхийн эрчим хүчний зах зээлд маш чухал зам юм.
Эх сурвалж: REUTERS
