Ираны Гадаад хэргийн яамны орлогч сайд Казем Гарибабади Туркийн A Haber телевизэд ярилцлага өгөхдөө “Иран улс дайны нөхцөлд Ормузын хоолойг өөрийн хяналтад байлгах ёстой бөгөөд дайсагнасан улс орнуудын худалдааны болон цэргийн хөлөг онгоцуудыг нэвтрүүлэхгүй гэж мэдэгджээ.
Тэрбээр “Бид одоо дайны байдалд байна. Ийм нөхцөлд хоолойг хянахтай холбоотой тусгай арга хэмжээ авах шаардлагатай. Эдгээр арга хэмжээ аль хэдийнэ хэрэгжиж эхэлсэн. Биднийг эсэргүүцэж байгаа улс орнуудын худалдааны болон цэргийн хөлөг онгоцуудыг нэвтрүүлэхгүй” гэж хэлжээ.
Түүний ярилцлагыг турк хэл рүү орчуулан дамжуулсан байна. Гарибабади мөн Ормузын хоолойг дахин нээх боломжийн талаар ярихдаа “Ираны эсрэг явагдаж буй байлдааны ажиллагаа дуусах хүртэл энэ хоолой хаалттай хэвээр байх ёстой” гэж мэдэгдсэн байна.
Тэрбээр Иран улс Ормузын хоолойгоор хөлөг онгоц нэвтрүүлэх журмыг тодорхой тогтоосныг онцолжээ. Тэр “Ираны хөлөг онгоцууд ямар ачаа тээвэрлэж байгааг нарийн шалгаж, шаардлагатай бичиг баримтыг нэхэж, ачааг нь хянаж байна” гэж хэлсэн байна.
Мөн тэрбээр “Бид дайсагнасан улс орнуудын хөлөг онгоцыг хамгаалах зорилготой хамгаалалтын усан онгоцуудыг ч нэвтрүүлэхгүй. Бид дайснуудаа дэмжихийг хүсэхгүй. Энэ бол бүс нутаг дахь бидний хяналтыг харуулж буй хэрэг” гэж нэмж хэлжээ.
Эх сурвалж: TASS
