Үндэсний шигшээ баг, “Төгс” дэвжээний бөх, Азийн аваргын хүрэл медальт, ОУХМ Батхуягийн Мөнх-Эрдэнэ чөлөөт бөхийн нэр хүндтэй Иван Ярыгиний олон улсын тэмцээний 57 кг-ын жинд барилдаж, алтан медаль хүртлээ. Энэ амжилт нь Монголын эрэгтэй чөлөөт бөхийн хувьд 27 жилийн дараах алтан медаль болж байна.
Тэмцээний финалд Б.Мөнх-Эрдэнэ Хойд Солонгосын жингийн отгон дэлхийн аварга Хан Чонсоныг техникийн илт давуу байдлаар ялж, түрүүлсэн амжилтаа бататгасан юм. Үүнээс хэдхэн хоногийн өмнө тэрбээр Монгол Улсын аварга шалгаруулах тэмцээнд түрүүлж, хүч чадлаа нотолсон билээ.
Чөлөөт бөхийн “Бага дэлхийн аварга” хэмээх нэр хүндтэй энэ тэмцээнээс өмнө Монголын тамирчдаас 1991 онд ОУХМ Л.Сэргэлэнбаатар, 1999 онд МУГТ О.Пүрэвбаатар нар алтан медаль хүртэж байсан түүхтэй.
Эмэгтэйчүүдийн төрөлд ч Монголын тамирчид амжилттай оролцлоо. Үндэсний шигшээ багийн тамирчдаас:
Х.Болортуяа 59 кг-ын жинд хүрэл медаль
Т.Энхжин 65 кг-ын жинд хүрэл медаль хүртлээ.
Монголын чөлөөт бөхийн ирээдүй гэрэлтэй байгааг энэ амжилт харууллаа! 🇲🇳💪
