АНУ-ын Шударга ёсны яам Жеффри Эпштейний мөрдөн шалгалттай холбоотой 3 сая гаруй хуудас баримт бичгийг олон нийтэд ил болголоо. Эдгээр баримтад Ерөнхийлөгч Дональд Трамп, мөн Элон Маск, Билл Клинтон, Обамагийн Цагаан ордны хуульч асан зэрэг нөлөө бүхий хүмүүсийн нэрс дурдагджээ.
Шинээр ил болсон баримтуудын дунд Трамптай холбоотой бэлгийн хүчирхийллийн талаарх FBI-ийн гаргасан жагсаалт багтжээ. CNN-ийн мэдээлснээр, эдгээрийн ихэнх нь баталгаажаагүй мэдээлэл аж.
Цагаан ордон CNN-ийг Шударга ёсны яамны мэдэгдэл рүү чиглүүлсэн бөгөөд уг мэдэгдэлд эдгээр хэргийг “үндэслэлгүй, худал” гэж тодорхойлсон байна. Трамп Эпштейнтэй холбоотой аливаа буруутай үйлдлийг урт хугацаанд үгүйсгэж ирсэн.
Дэд Ерөнхий прокурор Тодд Бланш хэлэхдээ, тус яам Эпштейний файлуудын хяналт шалгалтыг бүрэн дуусгасан, мөн энэ үйл явцад Цагаан ордон ямар ч хяналт, оролцоогүй гэж мэдэгдсэн байна.
CNN-ийн сурвалжлагчид баримтуудыг нарийвчлан шалгаж буй бөгөөд шинэ мэдээлэл илэрмэгц олон нийтэд хүргэнэ гэжээ.
Эпштейний баримтуудад Трамптай холбоотой хэрэг багтжээ
CNN-ийн сурвалжлагч Паула Ридийн мэдээлснээр, Шударга ёсны яамнаас өнөөдөр гаргасан Эпштейний файлуудын дунд 2025 оны наймдугаар сард FBI-аас боловсруулсан, Ерөнхийлөгч Дональд Трамптай холбоотой бэлгийн хүчирхийллийн хэрэг орсон байна.
2000-аад оны эхэн үеийн яллах дүгнэлтийн төсөлд хамсаатнуудын нэр дурдагджээ
CNN-ийн Аарон Блэйкийн мэдээлснээр, шинээр ил болсон баримтууд нь тухайн үед прокурорууд зөвхөн Жеффри Эпштейн, Гислейн Максвелл хоёроор хязгаарлалгүй, бусад хүмүүсийг хамтатган яллах боломжтой гэж үзэж байсныг харуулж буй аж.
Флорида мужийн Өмнөд тойргийн прокурорын газраас 2000-аад онд боловсруулсан яллах дүгнэлтийн төсөлд Эпштейнтэй хамт гурван хүнийг яллагдагчаар татахаар тусгасан байжээ.
Тэднийг Эпштейний “ажилчид” гэж тодорхойлж, охидтой уулзах нөхцөлийг бүрдүүлдэг байсан гэж дурдсан ч тэдний нэрсийг харлуулж (redacted) нууцалсан байна.
Уг баримтад эдгээр хүмүүсийг 18 нас хүрээгүй хүүхдүүдийг бэлгийн мөлжлөгт татан оролцуулах зорилгоор ятган албадсан, зохион байгуулсан хуйвалдаанд оролцсон гэж тодорхойлсон байна.
Энэ нь олон хүний хүлээж байсан, яриа шуугиан дагуулсан “үйлчлүүлэгчдийн жагсаалт” биш бөгөөд Шударга ёсны яам ийм жагсаалт байхгүйг удаа дараа мэдэгдсээр иржээ.
Гэсэн ч энэхүү баримт нь эдгээр хүмүүс хэн байсан бэ, яагаад тэднийг яллаагүй вэ гэсэн асуултыг дахин сөхөх нь гарцаагүй.
Эпштейн 2000-аад оны сүүлээр илүү хүнд ял авахаас зайлсхийж, биеэ үнэлэлттэй холбоотой хөнгөн ял хүлээсэн нь энэ хэргийн хамгийн том дуулиант хэсэг хэвээр байгаа аж.
Эпштейний файлууд гэж юу вэ?
Эпштейний файлууд гэдэг нь Жеффри Эпштейнтэй холбоотой мөрдөн шалгалтын явцад FBI, Шударга ёсны яам, прокурорын байгууллагуудаас цуглуулсан албан баримт бичгүүд юм. Үүнд:
- мөрдөн байцаалтын тэмдэглэл
- гэрчийн мэдүүлэг
- баталгаажаагүй мэдээлэл, иргэдийн өгсөн tips
- дотоод тайлан, яллах дүгнэлтийн төсөл зэрэг багтдаг.
2025 онд АНУ-ын Шударга ёсны яам эдгээрээс 3 сая гаруй хуудсыг олон нийтэд ил болгожээ.
Яагаад Дональд Трампын нэр дурдагддаг вэ?
Трампын нэр дурдагддаг гол шалтгаан нь:
- Түүний нэр FBI-ийн нотлогдоогүй баримтын жагсаалтад орсон. Энэ нь Трампын нэр орсон “бэлгийн хүчирхийллийн” гэх баримтын жагсаалт юм.
- Эдгээр нь:
- албан ёсоор шалгагдаж нотлогдсон хэрэг биш
- ихэнх нь иргэдийн өгсөн батлагдаагүй мэдээлэл аж.
- Шударга ёсны яам болон Цагаан ордон:
- эдгээр мэдэгдлийг “үндэслэлгүй, худал” гэж мэдэгджээ.
- Трамп өөрөө ч удаа дараа ямар ч хууль бус үйлдэл хийгээгүй гэж үгүйсгэж ирсэн байна.
Баримтад нэр дурдагдсан нь гэм буруутай гэсэн үг биш юм.
Энэ яагаад анхаарал татаж байна вэ?
- Эпштейн олон нөлөө бүхий хүмүүстэй харилцаатай байсан
- 2000-аад онд хэт хөнгөн ял авсан нь сэжиг дагуулдаг
- Зарим хамсаатнууд яагаад ял аваагүй вэ гэсэн асуулт одоо ч нээлттэй. Тиймээс нэрс дурдагдах нь хууль зүйн бус, улс төр-олон нийтийн анхаарал татсан асуудал болжээ.
Эх сурвалж: CNN
